Gi-anunsyo karon sa National Disaster Risk Reduction & Management Council (NDRRMC) ang ‘extent of damage’ ingon man disaster response mechanism nga gimontar sa gobyerno human nilampornas si bagyong Ompong.
Sa nagpadayon karon nga presser, gibutyag ni NDRRMC spokesperson Edgar Posadas nga mokabat sa 147,000 kapin ka mga pamilya ang nadislokar gikan sa 2,738 barangays sa mga lalawigan sa Luzon nga gibigwasan ug maayo sa kalamidad.
Dugang usab ni Posadas nga anaa na karon sa 189 evacuation centers ang nasangpit nga mga lungusuranon kinsa napugos sa paglalin sa dihang naghaguros na ang bagyo niadtong Sabado.
Mototal usab sa 144 international ug domestic flights nakanselar sa dihang gilatas ni Ompong ang kayutaan sa Central ug Northern Luzon region.
RadyoMaN June Duterte
