Gikatakdang molupad karong adlawa paingon sa Isabela Province si Pres. Rodrigo Duterte ug mga piniling miyembro sa iyang gabinete ug mga line agencies aron padayon nga ma-evaluate ang extent of damage ingon man continuing assessment sa on-going rehabilitation initiatives alang sa mga apektado ni bagyong Ompong.
Kini maoy gikumpirma karon ni Malacañang Spokesperson Harry Roque atol sa usaka presser.
Matud ni Roque, mokapin na sa 218,000 ka mga pamilya ang natala nga nadislokar sa labing ulahing tropical storm nga nidabodabo sa nasud-Pilipinas ilabi na sa may Northern ug Central Luzon area.
Sa pikas bahin, gipasalig ni Presidential Adviser on Political Affairs ug bagyong Ompong point person Francis Tolentino nga adunay dugang pondong ilang girekomendar alang sa rehab efforts ilabi na alang sa DSWD, DA, DPWH ug uban pang frontline government agencies.
RadyoMaN June Duterte
