Post-Valentine: Asawang nakig-date og lain, gireklamo

52

Davao City – Midangop sa kwerpo sa kapulisan sa Sasa ang usa ka bana aron ireklamo ang iyang misis human nakighalok sa laing lalake samtang giselebrar ang Valentine’s Day sa miaging adlaw.

Pursegido muduso og reklamo ang bana nga si Alyas Ruben batok sa iyang asawa nga si alyas Marielle ug pulos nagpuyo sa purok 10, Sulpicio Sasa ning dakbayan tungod kay nakighalok kini sa laing lalaki.


Gisaysay ni Alyas Ruben nga siya mismo nakasaksi sa gibuhat sa iyang asawa nga hugot migakos samtang lami kaayo nakighalok sa laing wala mailhi nga binuhat alas 11:00 sa gabii niadtong sa Valentine’s Day.

Segun sa Bana, lango sa binong makahubog ang iyang asawa niadtong tungora dihang natigayon ang hugging ug kissing scene uban sa laing lalake.

Nasakitan og maayo matud pa si alyas Ruben sa iyang nakita busa nakahukom kini nga ipatala sa Sasa PNP ang gihimo ni Marielle hinoon wala na gibutyag sa bana kun makigbulag ba kini sa iyang asawa o dili human sa maong panghitabo.

RadyoMaN Joel Viray

Facebook Comments