Posters sa pipila ka eskwelahan sa Davao, gibaklas na

Davao City – Nahuman na og baklas sa mga poster ang pipila ka eskwelahan sa syudad sa Davao nga gipartisiparan sa mga magtutudlo nga gisugdan niadtong August 14, 2023 subay sa mando ni Vice President ug Department of Education (DepEd) Secretary Sara Duterte.

Sa interview sa DXDC RMN Davao kang Jean A. Colango, Public Schools District Supervisor, Current Officer-In-charge sa Teodoro Palma Gil Elementary School (ES) gisulti niya, human nakadawat og memorandum of agreement (MOA) pinaagi sa DepEd Order No. 21 Series 2023, gisugdan dayon ang pagbaklas sa mga posters. Segun ni Colango, 25 ka classrooms sa ilang eskwelahan ang nahuman na sa pagbaklas sa mga poster.

Gipasabot ni Colango, dako kini nga hagit sa mga magtutudlo bisan og dugang trabaho, apan pabor sila kalabot sa mando sa bise presidente alang sa kaayohan sa mga tinun-an nga makapokus sila ug dili ma-distract ang ilang pagtuon.

Sa pagkakaron, ang eskwelahan sa Teodoro Palma Gil ES, adunay 245 ka mga tinun-an nga wala pa na-enroll.

RadyoMaN Don Pulayao