Davao City – Gipasabot karon sa Philippine Obstetrical and Gynecological Society Foundation, Inc. (POGS–Mindanao) kung nganong makasinati og grabeng pagdugo ang usa ka babaye human kini manganak.
Sa pakighinabi kang POGS-Mindanao President Dr. Gina Alvarez sa tulumanong ‘Serbisyong Straight to the Point’, gibutyag niini nga sagad rason mao ang pagka-anemic sa pasyente, twin pregnancy cases ug low-lying placenta.
Gumikan kini nga dili kaayo maka-contract og tarong ang matris human kini moagi sa pagpanganak. Gani, gikinahanglan gilayon aksyonan sama sa paghatag og tambal pampagahi sa matres nga mao ang pamaagi sa ‘active labor management’.
‘A healthy mother would lead to a healthy baby,’ segun ni Alvarez.
Awhag sa maong doktor nga magtarong og pa pre-natal samtang mabdos pa ang usa ka babaye mahitungod anaa sa unang tulo ka buwan ang development stage sa usa ka fetus diin dapat luwas sa sakit ug luwas sa risgo.
Gi-imbitahan usab sa president sa POGS-Mindanao nga si Dr. Alvarez ang tanang mabdos nga babaye nga motambong sa ika-15 nga National Araw ng Buntis karong Marso 10, 2018 alas 12:00 sa kaudtohon hangtod alas 5:00 sa hapon didto sa The Atrium Abreeza Mall Davao.
Kini nga selebrasyon usa ka partnership sa DXDC RMN Davao ug POGS-Mindanao nga adunay temang: “POGS: Kaagapay ni buntis sa panahon ng kalamidad at krisis.”
RadyoMaN Jason Amisola
