Ya anuncia este dia na RMN Zamboanga el Congresista Celso Lobregat cay final ya el desisyon del Presidente Rodrigo Duterte para man-postpone con el conducta del Barangay y Sangguniang Kabataan elections para na mez de Mayo venedero año.
Asegun con Lobregat, na desisyon y orden ejecutivo del president que ya publica ayer, ya conforma el presidente Duterte con el pidimiento del Congreso y Senado donde ta conforma manda esta y retene na posisyon con el mga presente oficiales del Barangay y obtene el se llama “hold-over capacity”.
Hay chene lang poder asegun el DILG quita na fuesto con aquellos mga oficiales de barangay que hay queda imbuelto na algun anomaliya y mga pendejadas na diila presente posisyon.
Apelo del congresista con el mga incumbent barangay officials para esta fiel y continua el buen servicio sila ta ofrece na qualquer comunidad y hasta el tiempo de syete meses que hay extende canila na fuesto. – *Bhong Simbajon/RMN News*
