Ginaduso ni Isabela Representative Faustino Dy ang hagna nga magasaylo sang petsa sang Barangay kag Sangguiniang Kabataan elections sa May 2023 imbes nga sa tuig 2020.
Ini para mapalawig sa lima ka tuig ang termino sang mga barangay officials nga maserbehan ang mga constituents nga wala sang may maapektuhan nga frontline services.
Sandig sa House Bill No. 47, iga-postpone ang eleksyon sa masunod nga tuig kag isaylo sa ikaduha nga Lunes sang Mayo 2023 nga mapuslan sang mga na-eleher nga opisyales sadtong 2018.
Paathag ni Dy, mahatagan sang nagakaigo nga panahon ang masobra 670,000 ka barangay kag SK officials gikan sa halon 42,000 ka mga barangay sa bilog nga pungsod nga ipatuman ang long-term programs kag adbokasiya nga wala sang lamod pulitika.
Bilang isa man ka anay barangay official, malip-ot ang duha ka tuig nga termino nga gintalana sang laye para mapatuman ang mga programa sa grassroots level.
Dugang pa sang pinakabata nga kongresista sa 18th Congress, dapat magpahuway anay ang publiko sa pulitika labi na nga apat ka eleksyon ang ginpatigayon sa nagligad nga lima ka tuig rason nga mas maayo nga magtrabaho anay ang mga opisyal sang gobyerno.
