Kini ang gilauman sa pipila ka mga street vendor ning syudad sa Davao nga madungog karong adlaw’ng Lunes, Hulyo 24,2023 sa ikaduhang State of the Nation Address SONA ni President Ferdinand Bongbong Marcos Jr.
Sa interbyu sa DXDC RMN Davao kang Joana Egoc nga taga Trading Boulevard ning syudad miingon kini nga isip street vendor angay tutokan sa presidente ang kamahal sa palaliton ug pagsaka sa presyo sa produktong petrolyo nga maoy usa sa hinungdan nakahatag sab sa kalisud sa mga Dabawenyo.
Samtang giingon sab ni Baby Gel Bonbon nga taga Brgy.76-A, street vendor sa dalang San Pedro nga atol sa pagdumala ni Presidente Marcos sulod sa usa ka tuig wala pa gyud ma alibyuhi niini ang food crisis. Gawas niana naghinaot usab kini nga matagaan og hustong pwesto ang mga street vendor.
“”Para sa akoa, unta tagaan mi og maayong pwesto para makapaninda pud mi og tarong kay lisod kaayo maninda nga bisan asa ra mi adto. Gamay ra kaayo mi og income kay lisod kaayo diri kay gamay ra man kaayo og tao muagi.” sulti ni Bonbon.
RadyoMaN Don Pulayao
