Davao City – Usa ka indikasyon nga ensakto ang gihimong pagpaningkamot ilawom sa administrasyong Duterte mao ang malampusong pagkibra sa kawad-on karong panahona.
Sumala ni Lasang Barangay Captain Allan Simo-ag, bisan ug dili ekonomista si Pres. Rodrigo Duterte, nasayud siya kung unsay angay nga kalamboan sa matag usa diha sa komunidad tungod kay gikan siya sa ubos.
Matud sa kapitan, iyang nakita karon ang daghang mga nahimong proyekto sa administrasyon hinungdang dunay matrabahoan, usa na dinhi ang farm-to-market roads nga dili na maglisud ang mga mag-uuma sa paghatud sa ilang mga produkto sa palengke.
Samtang gipasabot usab sa kapitan sa Lasang nga ang giingon sa Philippine Statistics Authority (PSA) nga paigo na sa usa ka pamilya nga dunay lima ka mga anak ang average monthly budget nga P10,981 matud niya depende sa mga panginahanglan ug kun gi-unsa pag-manage ang mga resources nga anaa kanila.
RadyoMaN Bernard Pantallon
