CAUAYAN CITY – IPINABATID NG ISANG ELECTRIC COOPERATIVE NA TATAAS ANG SINGIL SA KURYENTE NGAYONG AGOSTO 2025 BUNSOD NG PAG-AKYAT NG GENERATION CHARGE, BAHAGI NG KABUUANG BAYARIN NA IBINABAYAD SA MGA POWER SUPPLIERS.
AYON SA ABISO, ANG RESIDENTIAL CONSUMERS AY SISINGILIN NG ₱10.2942/KWH MULA SA DATING RATE, KATUMBAS NG ₱0.6242/KWH NA PAGTAAS. SAMANTALA, NASA ₱9.1039/KWH ANG SINGIL SA LOW VOLTAGE CONSUMERS, ₱7.3285/KWH SA HIGH VOLTAGE, AT ₱10.7172/KWH NAMAN SA SPUG-PALANAN.
BINIGYANG-DIIN NG KOOPERATIBA NA ANG GENERATION CHARGE AY HINDI KONTROLADO NG LOKAL NA POWER DISTRIBUTOR AT NAKADEPENDE ITO SA PRESYO NG KURYENTE MULA SA SUPPLIERS. TINIYAK DIN NILA NA ANG MGA IPINAPATUPAD NA RATES AY ALINSUNOD SA REGULASYON NG ENERGY REGULATORY COMMISSION (ERC).
KASABAY NITO, PINAALALAHANAN MULI ANG MGA CONSUMER NA MAGING MASINOP AT MATALINO SA PAGGAMIT NG KURYENTE UPANG MAPAGAAN ANG EPEKTO NG PAGTAAS NG SINGIL.
