Davao City – Gibarugan sa usa ka sector ang pagsupak sa pagpasar sa Sexual Orientation and Gender Identity Expression (SOGIE) Bill.
Sumala ni Mel Techo sa Coalition of the Concerned Families of the Philippines (CCFP), duna nay ubay-ubay ka mga balaud ang Pilipinas nga muprotektar sa katungod sa matag usa gani dili na kinahanglan og ‘special laws’ sanglit usa kini ka ‘biased treatment’ ingon man ‘harsh’ ang pipila ka probisyon niini.
“We are not against the LGBT community but just the Bill itself because it is anti-family and anti-Filipino,” segun niini.
Pipila ka balaud sama sa Labor Code of the Philippines, Anti-Sexual Harassment Act of 1995, Code of Conduct and Ethical Standards for Public Officials and Employees, Civil Code of the Philippines, ug Revised Penal Code of the Philippines.
Matud sa anti-SOGIE Bill advocate nga esensyal ang paghinabiay sa usa ka pamilya aron mas mapasabot kining balaura.
Subay niini, dunay ilusad nga Prayer Assembly sa Rizal Park alas-5:00 ngadto alas-7:00 sa kabuntagon sa Setyembre 30, 2019 diin ginalauman ang 5,000 ka mga anti-SOGIE Bill ang motambong.
Dugang ni Techo nga pipila ka sector na ang mikumoirma nga mutambong sa maong aktibidad sama sa G-12, Jesus is Lord (JIL), UG uban pang Baptist churches.
RadyoMaN Jason Amisola
