Naging madinaeag-on do Philippine Red Cross sa pagpatigayon it Million Volunteer Run 4 (MRV4) kaina it agahon nga nag-umpisa sa entrance it Kalibo International Airport hasta sa Kalibo Pastrana Park.
Gin partisiparan do pagdaeagan it nagakasari-sari nga mga organisasyon ag mga indibidwal maghalin sa iba-ibang ahensya it gobyerno, Department of Education – Aklan, mga estudyante ag pribadong sektor sa banwa it Kalibo.
Do nasambitan nga pagdaeagan hay gin pangunahan it mga volunteers ag mga opisyal it Philippine Red Cross.
Ro mga nag intra kara hay makakuha it sang dag-on nga accidental insurance samtang do matipon naman nga pundo sa registration hay pagagamiton sa mga nagakinahang-ean it dugo.
Raya nga Million Volunteer Run hay bukon it competitive run o fun run kundi daya hay humanitarian run.
