PRC, nagpadala ng mga temporary learning spaces sa Mindanao

60

Dumating na ngayon sa  Davao del Sur ang inisyal na 10 Temporary Learning Spaces na ipinadala ng Philippine Red Cross (PRC).

Ang mga Temporary Learning Spaces ay magsisilbing silid-aralan ng mga estudyante para  maipagpapatuloy lang ang kanilang pag-aaral doon matapos masira ng malakas na lindol  ang kanilang mga paaralan o ‘di kaya ay ginamit bilang mga evacuation centers.


Ayon kay PRC Chairman Richard Gordon, ang misyong ito ay inisyatibo ng Red Cross Youth para makatulong sa libu-libong displaced students.

Ayon sa PRC, tig-limang Temporary Learning Spaces ang ibibigay sa North Cotabato and Davao del Sur at bawat tent ay kayang maka-accommodate ng 40 hanggang 50 estudyante.

Base sa datus ng Department of Education (DepEd) mahigit 1,000 paaralan ang na-damaged ng lindol sa iba’t ibang lugar sa North Cotabato at Davao del Sur.

Facebook Comments

From Advertisers