Pre-emptive evacuation gipatuman sa Cateel, DavOr

29

Davao City – Gipatuman ang pre-emptive evacuation sa onse ka mga pamilya sa Cateel, Davao Oriental tungod sa sunod-sunod nga pag-ulan karong adlawa.

Kini ang gibutyag ni Ai sa Office of Civil Defense kun OCD XI atol sa interview sa DXDC RMN Davao.

Sa karon, wala pa silay update gikan sa maong probinsya og nakabalik na ba sa ilang tagsa-tagsa ka mga panimalay ang onse ka mga pamilya.

Dugang niini nga padayon ang monitoring sa OCD XI ug padayon usab nga gina-awhag ang katawhan nga magpabilin o kanunay nga alerto.

Kahinumduman nga nagpagula kagahapong adlawa ang National Disaster Risk Reduction and Management Council (NDRRMC) og pahimangno nga mamahimong alerto kanunay tungod sa posibleng pagbaha ug landslides dala sa ulan sa Davao Oriental, Compostela Calley, Davao del Norte, South Cotabato, Davao del Sur ug Sarangani.

Una ng nagpagula og lakat sa panahon ang Pag-Asa karong adlawa diin matud pa apektado sa low pressure area ang Mindanao.

RadyoMaN Renz Barbarona

Facebook Comments