Davao City – Gipahinumdom sa Office of Civil Defense (OCD-XI) nga gikinahanglan motuman gayud ang katawhan sa tanang mga abiso kun disaster advisories kalambigit sa mga moabotay nga kalamidad sa atong syudad.
Sumala ni OCD-XI regional chief Leoncio Cirunay nga mamahimong maseguro na nato pinaagi sa ‘preemptive evacuation’ nga menos na unya ang angayang i-rescue nga biktima kung mahitabo man ang dakung baha sa rehiyon onse.
Giklaro ni Cirunay nga ginapatuman lamang ang ‘forced evacuation’ sa panahon nga hatagan na og direktiba ang mga responders aron masugdan gilayon ang pagsalbar sa katawhan gikan sa klarong katalagman.
Samtang nihangyo usab si Cirunay nga kung mamahimo, mamakwit gilayon sa haduol nga mga evacuation areas kung adunay madawat nga mga mensahe kabahin sa storm warning signals ug pagbakwit sa mas luwas nga mga lugar.
“Mas maayo gyud nang mahago ‘ta kaysa maala-ot ‘ta,” hinapos nga mensahe sa hepe sa OCD.
RadyoMaN Jason Amisola
