Davao City – ‘Preemptive evacuation’ ang pinakamaayong pamaagi aron makab-ot ang ‘zero casualty’ panahon nga moabot ang maski unsang kalamidad.
Kini maoy pangagpas karon ni Ateneo de Davao University (ADDU) department of political science professor Ramon Beleno III sa interbyu kaniya sa programang ‘Straight to the Point’ diin gipasabot niya nga mas lisod kung diha na molihok inig abot na unya sa mga kalamidad.
Sumala ni Beleno, daku ug ikatabang haron mamahimo kitang kumpyansa o kampante nga dili agian og bagyo ang Mindanao pinaagi sa pagsagop sa mas ‘updated urban planning’ sa matag lokalidad haron matibawas ang hilway nga lokasyon sa mga gambalay, istruktura o mga pamatigayon nga pagatukoron.
Dason pa sa propesor nga kung mamahimo, likayan na unta sa tawo nga mopuyo dinha sa kadaplinan sa mga suba ug baybayon sama sa Davao River area diin adunay dakung posibilidad nga musaka ang tubig panahon sa bagyo mosamot pa kun high-tide ang kadagatan sa maong parte sa dakbayan.
Dugang ni Beleno nga gikinahanglan nang estudyohan ug maayo ang atong mga palisiya sama sa ‘local zoning ordinances’ haron hapsay ang katukoran sa mga pasilidad nga dili mabutang sa mga ‘danger zones’ kun ‘critical areas’ ang mga lumulupyo.
“(Gikinahanglan) natong mag-adjust sa climate change because it is really happening,” segun sa propesor.
RadyoMaN Jason Amisola
