Kasabay ng mga sunod sunod na aktibidad alinsunod sa pagdiriwang ng kilalang Bangus Festival 2023 ng Dagupan City ay ang puspusang paghahanda ng mga katuwang na ahensya at hanay ng lokal na pamahalaan ng Dagupan para sa final phase nito.
Kaugnay nito pakikipulong ng alkalde sa mga Bangus Festival sponsors para sa pinaka highlight ng pagdiriwang na Bangusan Street Party Kalutan ed Dalan sa darating na April 30 sa gaganapin sa De Venecia Ext. Road.
Sa mga susunod na araw, mangilan ngilan pang aktibidad ang gaganapin tulad na lamang ng Bangusine o ang Bangus Cuisine, ang mga Bangus Recipes with a twist na mangyayari bukas, April 26, sa City Plaza, sa oras na alas kwatro ng hapon.
Samantala, kasabay pa ng pagdiriwang ng Bangus Festival ay ang mauunang event sa umaga sa April 30, ang BIDA Fun Run, ito ang DILG Anti-Drug campaign na lalahukan ng higit sampung libong mga kalahok na magmumula sa iba’t-ibang ahensya ng gobyerno, gayundin ang mga Non-Government Organizations at mga volunteers, sa oras na alas kwatro naman ng madaling araw.
Handa na rin ang mga bandang tutugtog at mga artistang naimbita dala ang kasiyahan at excitement para sa mga Dagupeno, lahat ng ito sa pagdiriwang ng World Renowned Bangus Festival 2023. |ifmnews
Facebook Comments
