Davao City – Gumikan sa kadaghan sa mga namatay diha sa kamot sa nasudnong kapulisan nga gisagulan sa lehitimo ug palpak nga operasyon naturalmente mawad-an sila og kredibidlidad sa mata sa publiko.
Ang baguhay nga kontrobersiya batok sa Mandaluyong PNP human ilang napatay ang usa ka sibilyan nga dili diay mao ang subject sa operasyon mas nagpasamot sa pagtiurok sa pagsalig sa mga tawo kanila.
Matud ni international lawyer Elly Pamatong nga ubos sa administrasyon ni Pres. Rodrigo Duterte, ang mga pulis imbes moserbisyo ug moprotekta sa publiko natumpawak naman hinoon sa kaala-otan.
Segun ni Pamatong, nagkapalpak-palpak ang mga otoridad sa operasyon tungod una sa tanan dili maayo ang pagdala ni Duterte sanglit kun namaayo unta ang kadumalahan, dili unta mabulilyaso ang kapulisan sama sa Mandaluyong PNP.
Gisaway ni Pamatong ang wala nagkadimao nga pagdumala ni Duterte kinsa naila nga ‘disciplinarian’ apan nagkawindang-windang na hinoon ang imahe sa mga otoridad.
Sama sa panahon ni Pnoy, walay mga pulis napalpak sa operasyon busa kun duna may mga pulis napalpak walay laing han-ukan sa mga pagbasol kundi ang pamuno-nasud.
Dugang ni Pamatong nga dili maayo ang lakang ni Dela Rosa nga protektahan ang mga pulis sa Mandaluyong nga nakapatay ug nakasamad sa mga inosente atol sa ilang operasyon.
RadyoMaN Joel Viray
