Davao City – Gilaumang motambong sa 6th ASEAN Scout Jamboree nga gipahigayon sa Energy Park, Apokon, Tagum City, Davao del Norte, si Pres. Rodrigo Duterte karong adlawa.
Sa interbyu kang Boy Scouts of the Philippines (BSP) Davao head of delegation Dante Simangan, malaomon siya kauban ang mga opisyales sa Davao del Norte nga moabot ang presidente gumikan wala pay cancellation sa iyang pag-abot.
Sumala ni Simangan, alas 10:00 sa buntag mahitabo ang contingency heads meeting ug adunay pagahimuon nga Grand Parade alas 2:00 sa hapon dayon sundan sa Opening Ceremonies pagka alas 3:00.
Dugang pa BSP head, daghan makat-onan nga values ang mga batan-on nga motambong sama sa camaraderie.
Samtang adunay 2,000 ka mga uniformed men gikan sa Philippine National Police (PNP), Armed Forces of the Philippines (AFP), Bureau of Fire Protection (BFP) ug Philippine Navy ang maghiusa alang sa seguridad sa Tagum City alang sa 6th ASEAN Scoutr Jamboree nga adunay gina-expektar nga 30,000 ka scouts gikan sa 20 ka nagkalaing nasud.
RadyoMaN Jason Amisola
