Davao City- Mitambong si President Rodrigo Duterte sa inagurasyon sa bag-ong Regional Crime Laboratory Office (RCLO) sa Candelaria Street, Ecoland ning syudad sa Davao.
Gipahigayon ang maong inagurasyon karong hapon kauban ang mga opisyales sa Police Regional Office (PRO)-Davao Region ug lakip sa mitambong si Davao City Mayor Inday Sara Duterte-Carpio.
Gawas sa inagurasyon sa RCLO, gipahigayon usab ang turnover sa 26 ka mga mobile patrol cars nga gikan sa usa ka international group nga gidonar ngadto sa Davao City Police Office ug kasikbit nga lugar niini.
Sa pamahayag sa pamuno nasud, nahisgutan niini ang aprubadong dungag sweldo sa kapulisan sa nasud lakip na usab ang pahimangno niini nga mamahimong mag-igmat ug magbinantayon sa posibleng pag atake sa New People’s Army kun NPA sa Mindanao ug sa nagkalain-laing lugar dinhi sa nasud.
RadyoMaN Renz Barbarona/RadyoMaN Don Pulayao
