Presensya sa Abu Sayyaf, paningkamutang matapos sa kasamtangang labaw sa Western Mindanao Command

21

*General Santos City— Ginapaningkamutan sa militar nga matapos na ang problema sa teroristang Abu Sayyaf nga naga-lihukan sa Mindanao partikular na sa Sulo.*

*Sumala kang Lt. Gen. Cirilito Sobejana, labaw sa Western Mindanao Command nga sulod sa halos 30 katuig ng operasyon sa maong grupo, daghan na matud pa silang natun-an nga ilahang ginagamit lang sa siguridad.*


*Busa dako ang iyahang pagpasalamat sa ilahang mga katawhan gumikan sa kooperasyon ug pinaagi sa pagtinabangay sa tanan, kampante siya nga sa dili madugay, matapos ang problema niining mga teroristang grupo sa Mindanao.*

*Dugang pamahayag ni Lt. Gen. Sobejana nga subay sa kataas sa panahon nga pakigbisog sa gobyerno sa mga local threat group, masulti niyang ang presesnya sa Abu Sayyaf ang may pinakadaghan ug aktibidad.*

*Apan gipaklaro niya nga nagpabiling manageable ang sitwasyon sa Mindanao ug nagpabiling on top ang otoridad sa unsa mang sitwasyon.*

*Padayon matud pa ang ilahang panawagan sa publiko nga magpakabana sa palibot aron nga malikayan ang unsa mang disgrasya sama sa pagpamomba nga ginahimo sa managlahing grupo nga nagalikuhan sa Mindanao.*

Facebook Comments

From Advertisers