Presidente Duterte bukas nga makigsapol sa League of Municipalities sang pungsod
Bukas si Presidente Rodrigo Duterte sa pagsinapol nga ginahingyo sang League of Municipalities kag ULAP ukon Union of Local Authorities of the Philippines.
Ini ang ginpasiguro ni Presidential Spokesman Harry Roque kasunod sang kahangawa sang local officials matapos ang pagpatay sa alkalde sang Tanauan, Batangas kag General Tinio, Nueva Ecija.
Suno kay Roque, una nga nakigsapol kay DILG Secretary Eduardo Año kag PNP Chief Director General Oscar Albayalde ang mga opisyal sang ULAP.
Ginpabutyag sang mga local officials ang ila kahangawa kag pagkaalarma sa pagpatay kanday Mayors Antonio Halili kag Ferdinand Bote.
Ginkwestyon man sang mga local officials ang sistema kon paano gina-verify ang impormasyon antes ibutang sa narco-list ang isa ka opisyal.
(photo from web)
