Presidente Duterte, gilaumang bisita sa Tuna Festival 2018

General Santos City— Gipangandamam na sa lokal nga panggamhanan uban ang Philippine Port Authority ang tali-abot nga selebrasyon sa tuna festival karong umabaot nga Setyembre 1 ngadto na 5.

Sumala kang Jose Abarquez, Port Manager nga sayo ang nahimong preparasyon gumikan gilaumang bisita mao si Presidente Rodrigo Duterte ug higayon nga kini mahinayon, siya ang unang Presidente nga mutambong sa maong aktibidad.

Pamahayag niini nga nagpadala na sila ug komunikasyon sa kauluhan nga nag-imbita sa presidente isip keynote speaker alang sa opening sa Tuna Festival sa Setyembre 1.


Dugang pa ni Abarquez nga sa karon, dili pa niya mabutyag kung pila ang igahin nga budget sa lokal nga panggamhanan hilabina nga adunay daghan nga kinahanglan pangandaman ug gastuhan higayon nga makumpirmang mahidangat ang presidente sa nasud dinhi sa dakbayan.

Samtang ang hisgutanang public C.R, nga nag-unang problrma panahon nga mga dagkong aktibidad sa dakbayan, iyaha na matud pa kining gitugyan ngadto sa lokal nga panggamhanan gumikan dili lang man ang PFDA maoy mangamot sa nasangpit nga okasyon.

Facebook Comments