Ginhingyo ni Presidente Rodrigo Duterte ang tanan nga mga Pilipino nga padayon nga ipakigbato ang demokrasya sa pungsod kadungan sang pagselebrar sang ika-120 nga anibersaryo sang kahilwayan sang Pilipinas.
Ginpahayag ni Presidente Duterte nga dapat mangin inspirasyon sang tanan ang ginpakita nga pag-isa kag kaisog sang mga baganihan nga mga Pilipino agud maangkon ang makasaysayan nga pagbag-o sa sosyodad.
Dugang pa niya nga dapat magserbe man ini nga inspirasyon sa tanan agud ululupod nga tapnaon ang ginapangatubang nga sakit sa sosyodad kaangay sang korapsyon, iligal nga droga kag kriminalidad nga sablag sa pag-uswag sang pungsod .
Gindumdom man ni Presidente Duterte ang patriotismo sang mga Pilipino sang una nga panahon nga nangin rason sang kahilwayan sang pungsod kontra sa kolonyalismo kag nangin labing una nga demokratiko nga republika sa Asya.
(photo from web)
