TACLOBAN CITY – Ginpangunahan ni Presidente Rodrigo Duterte an inauguration han P1.7-billion Chen Yi Agventures (CYA) rice processing ha Alangalang, Leyte dida han byernes han gab-i, July 5.
Sumala kan Presidente Duterte kinahanglan nga upayon an paggamit han teknolohiya para mabuligan an mga tawo ngan magin produktibo an ira mga kinabuhi, ilabi na yana nga panahon nga moderno na an aton sosyodad.
Siring ni Duterte, dako an bulig han rice processing center ha mga pinoy nga parag-uma para mas dumako an ira income ngan masigurado an food supply han Pilipinas.
An duha ka-ektarya han Chenyi an technologically advanced rice processing center ha Southeast Asia, ngan pinakadako ha Visayas ngan Mindanao.
Fresh la gihapon an humay bis pa man dida pa ginharvest han nakalabay nga tuig tungod nga ginkokontrol han teknolohiya an temperature. Sugad nga na-epekto an pasilidad nga makapag produce hin world class rice.
Samtang, ginpangunahan naman ni Presidente Duterte an inauguration han Ormoc City Airport dida gihapon han byernes, kaupod hi Transportation Secretary Arthur Tugade ngan Civil Aviation Authority of the Philippines (CAAP) Director General Capt. Jim Sydiongco.
Sumala kan Tugade, hi Presidente Duterte an naniguro nga matapos an paghimo han airport ha Ormoc.
Nagpasalamat naman hi Ormoc Mayor Richard Gomez ngan asawa hini nga hi Leyte 4th District Rep. Lucy Torres-Gomez tungod nga natapos an paghimo han airport on-time.
(Photo courtesy to DA-8)
