Liwat nga ginpahanumdom ni Presidente Rodrigo Duterte sa mga kapulisan kag sa iban pa nga ahensya nga naga-upod sa iya war on drugs nga indi magsabat sa mga pamangkot sang mga nagahiwat sang imbestigasyon tuhoy sa iya kampanya kontra illegal nga droga.
Sa iya pagbisita sa Edwin Andrews Air Base sa Zamboangay City sang nagligad nga Sabado, nagpaandam si Presidente Duterte nga iya ipakaon sa buwaya ang mga human rights investigators.
“Eh kung magpuntahan dito iyong mga g***, may mga buwaya ba dito? Iyong kumakain talaga ng tao. Doon mo itapon ang mga p*****… b***** ‘to,” pahayag ni Duterte.
Suno sa presidente, daw kasubong nga wala nahangpan sang mga human rights groups ang iya kampanya kontra illegal nga droga.
“Ang sabi ko sa law enforcement pati sa inyo, ‘Destroy the organizations of the drug syndicates. Destroy the apparatus.’ Kung hindi pa kayo tanga kayong mga human rights, destroying is physically dismantling a structure or killing people. Saan ka makakita dito ng drug campaign to destroy tapos wala ka — tapos ngayon.”
Nahibaluan nga nagapadayon ang preliminary examination sang International Criminal Court angot sa gina-alegar extrajudicial killings sa pungsod bangud sang war on drugs sang administrasyon.
(photo from web)
