El presidente Rodrigo Duterte ya dale warning con el mga negosyante de India para nomas bene aqui na Ciudad de Zamboanga y na Weste Mindanao porcausa cay hinde asegun favorable canila el estado del seguridad aqui canaton.
Na mga palabra del presidente que ele ya revela apenas ya llega ele aqui na paiz desdel su visita na India, ele ya revela con mga myembros del media que ya man-discourage elecon mga negosyante Indian por el diila plano bene y pone negocio aqui na rehiyon nueve.
Particular ya mentiona si Duterte con el nombre del Zamboanga,y para privini visita aqui tambien na weste parte del Mindanao porcausa asegun cay este amo el lugar del mga bandido Abu Sayyaf que amo responsible na mga serye de kidnap for ransom y ta hace victima mayoriya mga estranghero como egual canila.
Si Duterte ya abla pa con el mga negociante Indian que mas major si anda ya lang sila na otro lugar na Mindanao como el Davao y Butuan donde tranquilo y pacifico. – *Bhong Simbajon/RMN News*
