Ya bisita el Presidente Rodrigo Roa Duterte este noche con maga irido soldao, CAA y sibilyan quien ya sale irido na explosion na detachment del militar na sitio Magwakit Barangay Bulanting ciudad de Lamitan Provincia de Basilan del Hulyo 31,2018 martes.
Ya dale Order of Lapu-lapu , assistencia financial , cellphone y G-Shock con maga irido y ya muri soldao y CAA que ay recivi tambien diila pamilia.
Na record del Western Mindanao Command Dies el irido y Nueve el muerto.
Maga Irido ta incluhi si 1Lt.Rojean Rodriguez, Sgt.Renante Escañan, Sgt.Mike Elumba , Cpl.Romeo Tabon Jr., Pfc. Jeffrey Martecio , Rody Frias , CAA Wilbert Garcia, CAA Gerry Inso , CAA Gregorio Inso, Angelina Inso el Esposa di Gerry Inso.
Mientras el maga ya muri ta incluhi si Cpl.Samad Jumah , CAA Muid Manda, CAA Adzain Abdulla , CAA Omar Teteng , CAA Hermilito Gapo Jr., Hadji Manda , Gerry Teteng, Rose Inso , Rosida Teteng.
Ya llega el Presidente Duterte pasada alas ciete del noche pero serka un hora lang este ya esta na Camp Navarro General Hospital para alcansa el asistencia financial y el Order of Lapu-lapu.
Hunto conel maga mujer , nana y anak del maga victima ya recivi el cosa ya dale el Presidente Duterte.
