Ginapahanugutan ni PresideNte Rodrigo Duterte ang mga miyembro sang New People’s Army ukon NPA nga magpanaog sa bukid kag mag-entra sa mga hublag protesta nga pagahiwaton sang nagkalain-lain nga Cause oriented group sa Setyembre 21 ukon anibersaryo sang deklarasyon sang Martial law ni anay Presidente Ferdinand Marcos.
Apang ginhatagan pasgtamod ni Presidente Duterte nga kinahanglan siguraduhon lang sang rebelde nga grupo mga wala sang ginamo kag wala sang may mapilasan nga mga inosente sa tunga sang hublag protesta.
Lubos man nga gina-abisohan sang Presidente ang rebelde nga grupo nga indi gid magdala sang mga armas ang mga ini bangud suno sa iya, paga-arestaron sang awtoridad ang mga ini kun may ginakaptan nga armas.
Nahibaluan nga una na nga gindeklarar ni Presidente Duterte nga non-working day ang Setyembre 21 huwebes bangud man sa nasambit nga kahiwatan.
