Pagadian City – Kasong paglapas sa Akta Republika 10591 kon Comprehensive Firearms and Ammunition Regulation Act ug COMELEC Gun Ban ang giatubang sa 54 anyos nga lalaki human kining nakuhaan og pistola alas 2:30 kagahapon sa Purok Capitol Creek, Santo Niño, Pagadian City.
Giila sa kapulisan ang akusado nga si VILSON APAO CORTES, 54- anyos , Purok President sa Purok Doña Aurora, Santo Niño ning syudad sa Pagadian.
Sa inisyal nga imbestigasyon nasayrang kamulo sa pagtagay sa ilimnon nga makahubog ang suspek sa Purok Capitol Creek, Santo Niño ug namatikdan kini nga may armas sa dihang nahubog na nagpabuto atubangan sa iyang mga kauban rason nga daling gidakop sa mga Police Officers.
Nakuha sa possession ug control sa suspek ang Calibre. 45 nga pistola nga dunay serial number 44556 nga may usa ka (1) magazine nga gipalamanan og usa ka buhing bala.
Ang suspek pakyas sa pagtunol sa iyang balido nga dokumento hinungdan nga gikustodiya sa Pagadian City Police Station lock-up Cell.
