Patay ang presidente sa USTP sa usa ka pagpamausil niadtong Sabado sa gabii. Matud pa ni Chief Insp. Ritchie Salva nga naila ang biktima nga si Dr. Ricardo Enriquez Rotoras, 48 anyos ug president sa University of Science and Technology Southern Philippines (USTP).
Sa initial nga imbistigasyon, gipatay matud pa si Rotoras sa duha ka wala nailhi nga mga suspek bandang ala una sa kadlawon atubangan sa iyang balay sa Golden Glow North Subdivision, Carmen ning syudad.
Gilayong gidala sa J.R. Borja general Hospital angt biktima sa iyang driver nga si Jonathan Khobuntin apan gilayon gidiklarar nga dead on arrival sa doctor.
Namatay si Rotoras gumikan sa nagkalain-laing samad pinusilan sa lawas niini.
Sa usa ka statement sa witness nga si Rolly Bogo, usa ka bantay sa maong lugar nga nakita nya ang duha ka lalaki nga mibiya sa maong lugar ug gikuha sa itum nga pick up.
Dugang pa ni Salva nga aduna na silay gihimo nga follow up operation aron ilhon ang mga suspek sa labing madaling panahon.
