General Santos City—sikop ang presidenti sa kooperatiba atol sa gihimong operasyon sa City Police Drug Enforcement Unit (CPDEU) sa Purok Mauswagon, Barangay Labangal, Gensan alas 4:00 ang takna sa hapon kagahapong adlawa.
Suspek giilang si Jo Caldino, 35, Presidenti sa MAKLAB-AS Credit Cooperative ug residenti sa KPS, Barangay Labangal, Gensan. Nasikop ang nahisgutan human napalitan ug (1) ka sachet sa gituohang shabu gamit ang P500.00 nga marked money.
Atol sa inventory laing (1) pa ka sachet sa gituohang shabu ang nakuha sa posisyon sa nasangpit nga suspek.
Sumala ni Police Inspector Renato Dungca, hepe sa CPDEU nga dugay na nilang namonitor ang iligal nga gimbuhaton sa suspek. ang nahisgutan matud pa maoy nagasupply ug shabu sa KPS, Barangay Labangal.
Sa karon ginasuta pa sa CPDEU kung kinsay supplier ni Caldino sa droga nga maoy iyang ginabaligya sa KPS, Labangal, samtang gikatakda usab kining pasakaan ug kasong paglapas sa R.A 9165 karong adlawa.
(Photo Courtesy to: Dave Silagan)
