TACLOBAN CITY – Ginsugo ni Presidente Rodrigo Duterte hi Presidential Assistant USec. Wendel Avisado, hiya iton gintudlok ni Duterte para manginano ngan mag-supervise han Yolanda Rehabilitation Project han gobyerno.
Kakulop, umabot hiya ha Tacloban para kitaon an mga problema ha pabalay han NHA ha Northern Barangay nga dapit han Tacloban.
Usa dinhi nga problema an pagtaga-tubig nga gin-uungara han mga residente ha Northern Tacloban.
Sumala kan Usec. Avisado, nalilipay hiya hini nga pitad ni Tacloban City Mayor Cristina Romualdez nga matagan hin maupay nga awas hin tubig an mga residente han Tacloban.
Para kan Usec. Avisado, an desisyon han Korte Suprema ha problema han pagtaga-tubig ha Cebu Province ngan Cebu City in waray pagkaka-iba ha problema nga ginkaka-atubang han syudad han Tacloban.
Sanglit, pwede daw ini ma-apply ha syudad.
“Di sinabi dun sa Supreme Court decision na Tacloban yun pero yung syudad na involved dun ay pareho na City rin kaya walang pagkakaiba ang desisyon na yan kung ihahambing mo sa sitwasyon ng Tacloban City.” – Usec. Avisado
