Presidential Communications Secretary Martin Andanar, bimmisita iti MMSU

32

iFM Laoag – Nangiburay ti nabagas a kapanunotan ken adal ni Presidential Communications Operations Office (PCOO) Secretary Martin Andanar iti Freedom of Information (FOI) Campus Caravan iti Mariano Marcos State University, Batac City, Ilocos Norte ita nga aldaw Oktubre 18, 2019.

Inbingayna iti importansia ken pannakaedukar dagiti amin mainaig ti transparency wenno iti nawaya a pannakaimatang a bulos dagiti impormasion kangrunaan na iti uneg ti gobierno ti Pilipinas.


Innayun na a daytoy ket sakop ti Bill of Rights wenno iti natural a pagrebbengan dagiti amin a pilipino iti uneg ti soverenia ti Pilipinas kas maysa nga umili ti pagilian.

Inbatad met ni Dr. Shirley Agrupis, Presidente ti Mariano Marcos State University nga iti Freedom of Information ket nasken la unay tapnun manglapped iti saan nga umiso a damdamag wenno ti ‘fake news’ ken maysa a pagsanggiran tapnun maiburay dagiti nasken nga impormasion.

Iti actibidad ket inatendaran dagiti nagduduma a mangidadaulo iti ahensia ti probinsia, nagduduma nga opisiales ken nagduduma pay a bisbista kas naimatangan da iti pannagpinnirma da PCOO Sec. Andanar ti Memorandum of Understanding iti nagbaetan ti Unibersidad ken iti Malacañan Palace.

Kabayatan ti kaadda ni PCOO Sec. Andanar iti uneg ti Batac City, Ilocos Norte ket nagbalin met a naiget ti seguridad nga inpaay dagiti kameng ti Philippine National Police (PNP) Batac City. (Joe Anne Agustin, RMN News)

Facebook Comments

From Advertisers