PALOMPON, Leyte – Nakaeskapo an usa nga preso kakulop ha Leyte Sub-Provincial Jail ha Palompon, Leyte.
Ginkilala an suspek nga nakaeskapo nga hi Rolando Fajardo, 32 anyos ngan residente Ha Sitio Himorawon Brgy. Himarco, Tabango Leyte.
Mayada kaso an suspek nga frustrated homicide.
Basi han report tikang ha Police Regional Office, durante han roll-call nga ginbuhat han mga naka-duty ha nasabi nga provincial jail in nahibaruan nira nga waray Rolando Fajardo nga ira nakit-an ha presuhan.
An mga nakaduty nga prison guard in hira Lloyd Ramos, Leonardo Tabernero Jr., Edgardo Agui, Filonar Cabillan ngan hi Almerante Espina.
Ginpapanginano na yana han mga otoridad kun ano an ginbuhat nga pamaagi han suspek nga preso para umeskapo.
Facebook Comments
