Presyo it pila ka mga brand it sardinas, instant noodles, bottled water ag condiments magataas umpisa hin-aga

Magataas rong presyon it pila ka mga brands it sardinas, instant noodles, bottled water ag condiments umpisa hin-aga Mayo 4.
Suno kay Department of Trade and Industry Undersecretary Ruth Castelo, sa P0.50 hasta P1 rong dugang sa presyo it kada lata it mga masunod nga brand: atami, family, master, mega ag mikado.
Samtang P 1.35 hasta P 1.70 man rong igataas sa kada lata it imported brand nga rosebowl ag saba.
Sa instant noodles, P0.20 hasta P0.45 rong dugang sa kada pakete it lucky me ag payless.
Magataas man it P0.20 hasta P0.45 rong kada container it toyo ag patis.
Sa P0.55 hasta P2 rong dugang sa presyo it kada pakete kung asin ag P0.30 man sa kada pakete it sabon nga pangpaligos.
Mag eowas sa mga nagtaas, may pila mang brand paman suno kay Castelo nga uwa magtaas ro presyo ag pwedeng bak-eon.

Facebook Comments