Davao City – Gipadangat sa mga konsumante ang ilang reklamo nganhi sa DXDC 621 RMN Davao bahin sa pagtaas sa presyo sa mga nag-unang palaliton karon dinhi sa Davao region sama sa bugas-mais subay sa COVID-19 crisis sa nasud.
Sumala usa ka alyas Neng, misaka matud pa ang presyo sa bugas-mais sa Sta. Maria, Davao Occidental diin sa ilang reklamo, anaa na kini sa 900 pesos ang sako nga dapat anaa lang sa 600 pesos samtang sa San Isidro, Davao Oriental, dapat 22 pesos per kilo lang karon anaa na sa 27 pesos per kilo.
Giulan usab og komento ang post ni Radyoman Erin Lumosbog sa facebook diin daghan usab ang dunay susamang reklamo.
Sa pagpanubay sa DXDC RMN Davao, nahibaloan nga dunay prize freeze nga gipatuman karong panahona diin sumala sa Department of Agriculture o DA-XI, mamahimong i-report ang si bisan kinsang nagpasaka og presyo sa basic necessities sama sa bugas, itlog, karne ug uban pa ingon man ang prime commodities sama sa mga lamas ug uban pa.
Sumala sa DA-XI, mamahimong mag file og sworn complaint o formal charge uban ang ebidensya, ug isumbong sa provincial/city municipal agriculture office o mutawag sa 226-3625 local 3005.
RadyoMaN Renz Barbarona
