Davao City – Nikasa og ikatulong hugna sa inspeksyon ang ang Joint Agency Price Monitoring Team sa Bangkeronan, Agdao, Toril, ug Calinan Public Market niadtong niaging semana.
Segun ni Department of Trade and Industry 11 (DTI-XI) Regional Director Ma. Belenda Ambi nga base sa ilang assessment walay pagsaka o nagpabiling stable ang presyo sa mga bugas.
“The same ang presyo so naay option ang mga consumers kung unsa ang ilahang paliton depende kung regular milled or well milled rice so kung well milled rice didto siya sa higher level mu-presyo sya’g P48-P54 and then regular milled P44-P47,” matud ni.
Matud ni Ambi wala pay skedyul kung kanus-a magsugod ang task force nga gimugna ni Davao City Mayor Sara Duterte-Carpio subay sa gipagula niining Executive Order No. 23 aron mag-inspeksyon ang mga bodega ug masegurong makatarunganon ang presyo og supply sa bugas.
RadyoMaN Aimee Guinita
