Davao City – Hugot nga gabantay ang National Food Authority diha sa presyo sa mga komersyal nga bugas karon nga wala nay stock sa NFA rice dinhi sa dakbayan sa Davao.
Atol sa interbyu sa DXDC kang NFA Davao Manager Leonila Selpa ilang gisegurado nga sakto og wala gipausbawan sa mga negosyante ang ilang baligyang mga non-NFA rice.
“Gamonitor pirmi ang amoang mga tao daily sa market bisan wala namiy NFA rice. Kay luoy pod kaayo ang mga konsumante ilabi katong mga gamay ang income,” sumala ni Selpa.
Gitataw ni Selpa nga ang nahibiling 473 ka sako sa bugas sulod sa ilang bodega para kini sa mga piniriso sa Bureau of Jail and Penology (BJMP) Davao Region.
Nangayo kini’g pagsabot sa publiko nga paabuton lamang ang 250,000 metric tons nga stock sa NFA rice nga moabot karong bulan sa Hunyo.
RadyoMaN Aimee Guinita
