Davao City – Epektibo kagahapong adlawa, Nobyembre 5, 2018, aduna nay mga baligya sa mga accredited outlet sa NFA rice dinhi sa Davao region nga ang presyo 27 pesos na per kilo.
Kini ang giklaro ni National Food Authority kun NFA Davao manager Leonila Selpa atol sa interview sa DXDC RMN Davao.
Apan gipasabot niini nga duna pay ubang outlets ang nagabaligya og 32 pesos nga presyo sa NFA rice gumikan wala pa nahurot ang stocks sa miaging semana.
“Ang lastweek pa to nila nga may balance pa sila kay sakto man to ang ilang allocation last week kay over the weekend wala man mahurot so kadto naa pay 32 pesos pero ihurot sa nila ang 32 ayha sila mubaligya og 27 pesos,” seguni ni Selpa.
Matud ni Selpa nga ang presyo sa NFA rice nagdepende usab sa kamanduan sa ilang central office.
RadyoMaN Renz Barbarona
