Nagtaas na ang presyo sang pila ka mga noche buena products kasubong sang ham, quezo de bola, kag fruit cocktail suno sa Department of Trade and Industry (DTI).
Ginpahayag ni DTI Asst. Director Lilian Salonga nga nagahampang sa lima tubtub onse ka pesos ang gintaas sa presyo sang pila ka brand sang ham.
Yara naman sa napulo tubtub katorse pesos ang dugang sa presyo sang quezo de bola depende sa brand.
May gamay man nga pagtaas sa presyo sang fruit cocktail samtang wala pa sang paghulag sa presyo sang pasta, macaroni kag pila ka brand sang condensada kag creamer.
Samtang, nagtaas naman ang presyo sang manok kag bugas pila ka semana antis ang paskuwa.
Sang damlag lang, ginpaguwa sang dti ang suggested retail price ukon SRP sang mga noche buena products.
