Sumala ni Ednar Dayanghirang Regional Director, OCD XI gilantaw nila nga lakip sa daghang rason sa pagbaha ang baradong drainage, basura, housing ug commercial buildings o establishments nga maka bara sa agianan sa tubig.
Matud pa ni Dayanghirang nga apektado sa maong pagbaha ang Brgy. Matina Aplaya, Brgy. Matina Crossing, Brgy. 28-C, Brgy. Maa, Brgy. Poblacion, Brgy. Leon Garcia, Brgy. Tigatto ug uban pa.
Samtang, 55 ka pamilya o 156 ka tawo sa Brgy. Matina Crossing ug 5 ka pamilya sa Brgy. Maa ang gipang hikling sa Brgy evacuation center panahon sa pagbaha.
Dugang pa ni Dayanghirang nga importanteng mahatagan og solusyon ang maong problema.
Gani sa karon, nagapahigayon na og Regional dialogue kalabot sa pagbaha ug landslide prevention ug mitigation projects.
Gilauman usab ni Dayanghirang nga maka-dayalogo ang brgy level pinaagi sa CDRRMO ug laing ahensya aron ma-identify ang proposal nga mamahimong solusyon sa problema sa pagbaha sa dakbayan labaw na matud pa nga haduol na ang panahon sa La Niña ug amihan.
RadyoMaN Kareen Beltran
