Preventive Lockdown sa Gensan,mulungtad hangtud April 14, apan magdepende gihapon sa sitwasyon

25

*General Santos City— Gipaklaro ni Mayor Ronnel Rivera nga mulungtad hangtud sa Abril 14 ang ginapatumang Preventive Lockdown sa dakbayan sa gensan subay na usab sa naunang rekomendasyon sa national Inter-Agency Task Force.*

*Apan magdepende matud pa kini sa sitwasyon gumikan aduna pay halos duha ka semana ug aduna nay mga natalang posito nga covid-19 sa mga kasikbit nga probinsya sama sa South Cotabato ug Sultan Kudarat.*


*Pamahayag niya nga sa dakbayan sa Gensan dunay mga pro-active measures nga ginahimo ug ilahang ginatun-an ang mga nahitabo sa ubang dapit ug dili lang ang usa o duha ka bulan nga krisis sa COVID-19 ang ginapangandaman sa lokal nga panggamhanan.*

*Kini gumikan walay nasayud kung hangtud kanus-a ang pagkatag sa virus rason nga ang LGU Gensan ang nangandam para sa lima o unom ka bulan nga krisis.*

*Kung asa ilahang ginatuna-an sa kaorn nga mapa-igo ang calamity fund sa syudad hangtud nga matapos ang problema sa COVID-19 nga magpabiling makahatag ug ayuda ang lokal nga panggamhanan.*

*Busa iyahang gina-awhag ang katawhan nga mag-ampo ug mag-kooperate aron nga malikayan nga masudlan ang Gensan sa maong makamatay nga virus.*

Facebook Comments