Gibatbat ni SEMDDOC President Maning Duran, nabuhat sa Marcos Administration ang pagpa- hamtang og price ceiling sa bugas nganong dili usab kini mahimo sa petrolyo.
Nagtoo si Duran, kung adunay susamang palisiya ang kagamhanan, dili na makapagusto ang mga oil players sa pagpataas, diin siyam na ka hugna nga misaka ang presyo sukad pa niadtong Hulyo 19, 2023.
Gipasabot ni Duran, price ceiling walay kalainan sa Oil Price Stabilization Fund (OPSF) sa panahon ni Kanhi President Ferdinand Marcos Sr., kung asa ang mga oil companies dili makasaka sa presyo sa ilang produktong petrolyo, tungod sa subsidy fund nga itagana sa gobyerno.
Apan bisan paman sa walay puas nga abante sa presyo, gibarugan gihapon ni Duran nga dili gihapon sila magpahigayon og transport strike o mangayo og usabaw sa pamasahe ang ilang organisasyon.
RadyoMaN Joel Viray
