Masobra 90% sang mga gasolinahan ang magapataas na sang presyo sa pagtapos sang bulan sang Enero bangud sa Tax Reform for Acceleration and Inclusion ukon TRAIN law.
Ini ang ginpahayag sang Department of Energy sa ginhiwat nga hearing sang senate committee on energy nga ginapamunuan ni senador Win Gatchalian.
Suno kay DOE Asst. Secretary Leonido Pulido III, indi nila mapunggan ang igapatong nga saka sang mga gasoline stations bangud regulated ang industriya kag wala sang mekanismo para kontrolon ini ukon punggan.
Sa pihak sini, nagpangako si Pulido nga tinguhaan nila nga punggan ang anuman nga himuon nga pag-abuso sa epekto sang TRAIN law.
Kadungan sini, ginpat-od man ni Pulido nga sa katapusan sang bulan, matapos naman sang DOE ang analysis of inventory sa mga old stocks sang mga oil companies.
