Price increase sa mga sud-an sa karenderya ipatuman nunot sa LPG price hike

Davao City – Posibleng magpatuman og price adjustment ang pipila ka nanag-iya’g karenderya sa syudad sa Davao nunot sa subling pagtaas sa presyo sa LPG karong bulan sa Pebrero tuig 2023.

Sa interbyu sa DXDC RMN Davao kang Evelyn Matillosa, tag-iya sa usa karenderya nga nahimutang sa dalan Bonifacio nga magpataas sila og presyo sa sud-an aron dili sab malugi ang ilang kita adlaw adlaw.

Gidugang ni Matillosa nga halos tanan mga palaliton nitaas ang presyo hinungdan magpatuman sab sila og price increase sa ilang sud-an.

Samtang giingon ni Rayford Refugio, karenderya owner sa Barangay33-D, nga usa sa iyang diskarte nga mao ang pag adjust sa pagtakus sa sud an apan ang magpabilin ang preyson niini aron nga dili mohinay ang palit sa iyang karenderya.

Gidugang ni Refugio ikaduhang diskarte niya mao ang pagdaginot sa LPG ug kahoy nalang ang gamiton sa pagluto.

“Kung magpataas mi og kalit basin ang among costumers mangreklamo sila (unya) manghawa nuon, i-maintain lang namo ang presyo pero ang serving namo gamayon nalang para ma balance pod,” sulti ni Refugio.

RadyoMaN Don Pulayao