CAUAYAN CITY – UPANG MATIYAK NA ABOT-KAYA AT DE-KALIDAD ANG MGA PRODUKTONG NATATANGGAP NG MGA BENEPISYARYO NG WALANG GUTOM PROGRAM, NAGSAGAWA NG PRICE MONITORING AT MARKET ASSESSMENT ANG DSWD REGION 2 SA MGA PAMPUBLIKONG PAMILIHAN NG ILAGAN CITY, CAUAYAN CITY, AT SANTIAGO CITY SA LALAWIGAN NG ISABELA.
LAYUNIN NG AKTIBIDAD NA TIYAKIN NA TAMA AT MAKATARUNGAN ANG PRESYO NG MGA PANGUNAHING BILIHIN TULAD NG BIGAS, KARNE, ISDA, AT GULAY NA BAHAGI NG FOOD REDEMPTION ACTIVITY NG PROGRAMA.
PINANGUNAHAN NI RETAIL MANAGEMENT OFFICER MARVINA F. BARDON, KATUWANG ANG MGA KINATAWAN MULA SA MGA LOKAL NA PAMAHALAAN, ANG PAGSUSURI SA KASALUKUYANG PRESYO AT SUPLAY NG MGA PRODUKTO UPANG MATIYAK NA SAPAT ANG MGA ITO PARA SA MGA BENEPISYARYO.
NAKIPAG-UGNAYAN DIN SILA SA MGA MARKET ADMINISTRATORS AT MGA TINDERA UPANG MAPANATILI ANG MAAYOS NA KALAKALAN AT PRESYO SA MGA PAMILIHAN.
SAMANTALA, ANG NATURANG AKTIBIDAD AY BAHAGI NG PAGHAHANDA PARA SA SUSUNOD NA FOOD REDEMPTION ACTIVITY NA LAYUNING MATULUNGAN ANG MGA PAMILYA AT MAIWASAN ANG KAGUTUMAN SA PAMAMAGITAN NG WALANG GUTOM PROGRAM.
