Sa gidaghanon pa lang daan sa mga nisalmot maisip nang malamposon ug mabulukon ang labing unang “pride march” sa dakbayan sa Mandaue .
Gikan sa unang gibana-bana nga 800 ngadto sa 1,000 nga mosalmot sa kalihukan , nidani ug kapin 4,000 ka sakop sa Lesbian Gay, Bisexual and Transgender (LGBT) ug ubang advocates ang niapil sa kalihukan kagabii , Hunyo 24 sa dakbayan sa Mandaue.
Ang parada maoy pagtuman ni Mandaue City Mayor Luigi Quisumbing sa saad niini atol sa kapistahan sa syudad sa niaging buwan nga himoon ang labing unang “pride march” sa dakbayan inabagan sa Mandaue Pride o grupo sa mga naa sa LGBT community sa syudad.
Gipakita sa kagamhanan sa dakbayan sa Mandaue nga ilang giisip nga kabahin sa usa ka pamilya ang mga sakop sa LGBT community ug mahatagan ug kasiguruhan nga sa maong syduad way masinati nga diskriminasyon ang mga miyembro sa gitawag ug “third sex.”
Gawas sa mga taga Mandaue , aktibong nisalmot ang mga LGBT groups gikan sa dakbayan sa Lapulapu ug mga taga BPO company , ug ubang dapit sa Sugbu .
