Por primera vez ya conversa na publico el Vice Alcalde del Ciudad si Cecar Ituralde donde ta pidi le con Zamcelco y WMPC para aregla con el presente problema aserca el deve del cooperative de mas de 300million con el corporacion.
Asegun con Ituralde, si cosa man el punta-y-pono del asunto deve aregla dayun para gendeh sale afectao el publico na asunto del blackout.
El segundo alto official del ciudad ya habla que ay toma accion encase tiene cosa ay sosede amediante escuru el ciudad.
Asegun pa, responsibilidad del Zamcelco dale servicio de electricidad con el public poreso nohay rason para déjà pa largo tiempo con el asunto donde ta cobra ya el WMPC con el deve del cooperativa.
Este el primera vez ya conversa si Ituralde aserca con el problema de electricidad na ciudad.
