TOBOSO, NEGROS OCCIDENTAL – Nag-angkon sang minor injury kag nagtupa sa ospital ang principal sang isa ka high school sa banwa sang Toboso matapos nga aksidente nga nagdalusdos sa pil-as ang iya ginasakyan nga bus sang Ceres Liner kahapon sang aga sa Brgy. San Isidro, Toboso.
Ang biktima nga nag-angkon gid lamang sang minor injury nakilala kay Elizabeth Libo-on, legal ang edad kag principal sang Andres Gumban National High School sa Brgy. San Jose, Toboso.
Samtang ang driver naman sang bus ginkilala kay Gemilo Sevilla Jr., 41 anyos, kasado kag pumuluyo sang Sitio Calot, Brgy. Salamanca, Toboso.
Suno sa imbestigasyon sang Toboso Municipal Police Station nga may mg alas 7:15 kahapon sang aga ang bus naga-travel halin Toboso pakadto sa Bacolod apang sa pag-abot sini sa kurbada sa Brgy. San Isidro, Toboso, naglapaw ang bus kag nagdalusdos sa pil-as.
Nag-angkon sang minor injury ang biktima kon diin una ini gindala sa Vicene Gustilo District Hospital antes ginsaylo sa Riverside Medical Center./dyHB BACOLOD
